Thursday, 15 December 2011
Teraa naam...
Duniya ne hum pe jab koi ilzaam rakh diya
humne muqabil us ke teraa naam rakh diya
ik khaas had pe aa gai jab teri berukhi
naam us ka humne gardish-e-ayyaam rakh diya
main ladkhada raha hon tujhe dekh dekh kar
tune to mere samanay ik jaam rakh diya
kitna sitm zareef hai wo saahib-e-jamal
us ne diya jala ke lab-e-baam rakh diya
insan aur dekhe baghair us ko maan le
ik khauf ka bashar ne KHUDA naam rakh diya
ab jis ke ji mein aaye wohi paaye roshani
humne to dil jala ke sar-e-aam rakh diya
kiya maslahat_shanaas tha wo adami 'Qateel'
majburiyon ka jis ne wafa naam rakh diya..!!
This post was written by: Author Name
Author description goes here. Author description goes here. Follow him on Twitter
Subscribe to:
Post Comments (Atom)
0 Responses to “Teraa naam...”
Post a Comment