Thursday 23 February 2012

Ye kis Khalish ne phir is dil mein


Ye kis Khalish ne phir is dil mein aashiyaanaa kiyaa 
phir aaj kis ne suKhan ham se Gaayebaanaa kiyaa 


Gam-e-jahaan ho, ruKh-e-yaar ho ke dast-e-uduu 
salook jis se kiyaa hamane aashiqaanaa kiyaa 


the Khaak-e-raah bhii ham log qahar-e-tuufaan bhii 
sahaa to kyaa na sahaa aur kiyaa to kyaa na kiyaa 


Khushaa ke aaj har ik mudda_ii ke lab par hai 
vo raaz jis ne hamen raand-e-zamaanaa kiyaa 


vo hiilaagar jo vafaajuu bhii hai jafaaKhuu bhii 
kiyaa bhii "Faiz" to kis but se dostaanaa kiyaa 

Tags:

0 Responses to “Ye kis Khalish ne phir is dil mein”

Post a Comment

Subscribe

Donec sed odio dui. Duis mollis, est non commodo luctus, nisi erat porttitor ligula, eget lacinia odio. Duis mollis

© 2013 Poetry-Poems-Love Stories-Gazals. All rights reserved.
Designed by SpicyTricks